Frænka fer erlendis

tres hermanas

2008-02-06T04:48:00.000-08:00

þetta eru systurnar mína.. eru þær ekki sætar? :)

ég myndi gjarnan vilja vera með þeim í dag

hugrún á 18 ára afmæli en hún er á ítalíu (og ég í danmörku) þannig að ég get ekki knúsað hana í tilefni dagsins. til hamingju með daginn elsa ;)

inga á ekki afmæli.. en hún var í aðgerð í fyrradag og er á spítala þannig að ég myndi líka vilja knúsa hana í dag.

í staðinn hugsa ég bara ótrúlega mikið til þeirra og hlakka óendanlega mikið til að hitta þær aftur!

kiss kiss kiss kiss

gleðileg jól

2007-12-21T17:57:00.000-08:00

ég er komin heim til þess að halda jól með fjölskyldunni minni. það er notalegt að vera komin í borgarnes aftur en líka fyndið að koma frá kaupmannahöfn og aftur í stemminguna að allir þekki alla.. var búin að gleyma að það er ekki hægt að "skreppa" út í búð hérna, maður þarf að hafa rúman tíma í spjall þegar maður þekkir annan hvern mann í kaupfélaginu sem þarf að fá update á hvernig gengur í lífinu :) notalegt ha :)

ég kom á miðvikudagskvöldið og er búin að ná að gera helling á þessum 2 dögum.
morguninn eftir að eg kom, fór ég að kíkja á krakkana sem var að kenna í fyrra og það var ekkert smá gaman að sjá þau :) þau verða bara stærri og stærri og flottari og flottari ! :) ..þau virðast líka alveg vera búin að gleyma morgunfúlu heiðrúnu sem þurfti að vera með kaffi í æð fram undir hádegi, því þau virtust líka vera glöð að sjá mig aftur, haha :)
þegar ég var búin að hitta krakkana þá borðaði ég hangikjöt með kennurunum og það var líka rosalega notalegt.
það hefur helst yfir mig jólaskapið síðan ég kom hingað.. samt var ég alveg komin í smá áður en ég kom. myndin sem er hérna efst er síðan í byrjun desember en þá hittumst við nokkur heima hjá mér til þess að baka jólasmákökur og hlusta á helgu möller syngja jólalög. eftir á borðuðum við hangikjöt, flatkökur og baunasalat með jólaöli úr dönsku malti og appelsín.. mmm :)

ég sendi ekki jólakort frekar en vanalega en vil í staðin óska ykkur öllum gleðilegra jóla og þakka fyrir skemmtielgar stundir á árinu 2007

ég vil líka taka fram að ég gleymdi íslenska símkortinu mínu í danmörku svo númerið mitt yfir hátíðarnar er 845-4126.

Þið haldið kannski..

2007-08-22T06:21:00.001-07:00

að ég hafi bara verið í sleik síðan ég kom hingað út?

En það er sko ekki satt.. ég hef í raun verið önnum kafin eins og þessi mynd sýnir greinlega. Ég hef meðal annars verið í dönskunámi og var þessi mynd tekin í einni skoðunarferðinni sem ég fór með bekkjarsystkinum mínum. Á þessu safni fær maður mp3 spilara og hlustar á karl segja sögur af hverfinu sem maður labbar um. Þetta er mjög gott fyrir áttavillt fólk eins og mig, því hann segir "beygðu næst til vinstri, ef þú lítur yfir götuna, þá sérðu kínverskt veitingahús sem heitir blablba" Mjög fínt semsagt og fróðlegt. - nema kannski ef maður er í 15 manna hóp, þá er það ekki mjög töff. kennarinn minn áttaði sig meira að segja á því og sagði að við skyldum labba 3 og 3 saman í hóp því þá væri þetta ekki eins áberandi (og lúðalegt að hans mati) nema hvað, á einu götuhorninu hittist það þannig á að fyrstu hóparnir höfðu eitthvað tafist, svo við stóðum öll þarna á sama punktinum að hlusta á sögur um húsin í nágrenninu. kennarinn minn fékk óstöðvandi hláturskast og tók þessa mynd á símann sinn. maður tekur eiginlega ekkert eftir umhverfinu, heldur hlustar bara á hvert karlinn segir manni að fara og horfir mest upp í loftið eða eitthvað út og suður. þannig að ég get ímyndað mér að þetta hafi verið sérstök sjón

mér finnst þessi mynd hinsvegar ákaflega töff og vildi deila henni með ykkur

Jahérna!

2007-07-26T03:04:00.000-07:00

það hefur ýmislegt gengið á síðan ég skrifaði hér síðast.

ég hef gengt hlutverki heimavinnandi húsmóður, hef farið til sólarlanda og er nú stödd í landi sem heitir Danmörk, borg sem heitir Kaupmannahöfn.

Það hefur verið brjálað að gera síðan ég kom til Danmerkur en aðallega hefur verið mikið að gera í að hafa gaman. Frábær félagsskapur sem ég hef haft upp á síðkastið, ég skal setja inn myndir við fyrsta tækifæri :)
núna er ég mest í að reyna að finna vinnu, græja skólamál fyrir næsta vetur, redda dönskunámskeiði og ýmsum smáhlutum sem þarf að redda þegar flutt er í annað land.

ég er komin með nýtt, útlenskt símanúmer:

0045 28379707

ekki feimin við að vera í bandi, hehe

skrifa um leið og eitthvað er að frétta en sýnist sem bloggheimar séu frekar dauðir svo ég veit ekki hvort einhver er á rúntinum einu sinni

:)

2007-05-30T04:20:00.001-07:00

uppáhalds frændi minn að halda á nýjustu frænku minni :)

fallegt, ha :) get ekki beðið eftir að bruna í borgina og smella á þau kossi

til hamingju aftur helena og magni og litla dama ;)

Update

2007-05-29T13:12:00.000-07:00

í gær fór ég í tvær fermingarveislur og eina grillveislu.

eins og sönnum piparsveini sæmir, borðaði ég á mig gat á öllum þrem stöðum.

samt er ég í ágætis formi í dag

það var síðasti kennsludagur í dag

á morgun byrja prófin

eftir helgi geng ég frá og svo geng ég héðan út

svakalega hefur þetta verið fljótt að líða

dudu dudududududuuuu

2007-05-27T09:44:00.000-07:00

"Hi-yo Silver, away!"

2007-05-22T07:50:00.000-07:00

hrökk upp við símhringingu um tuttugu mínútur yfir átta - átti að vera mætt í vinnuna. rauk á lappir og var ekkert sérstaklega falleg þegar ég mætti nokkrum mínútum síðar.

þar biðu eftir mér 2 góðir karakterar sem uppástóðu það að ég hefði lofað ísferð í síðasta tímanum. ég leit út um gluggan og sá glitta í hvítt hafnarfjall og vissi að það voru ekki mikið meira en 2°c úti.. ég er viss um að ég lofaði þessu um daginn þegar það var sól og hlýtt, og hafði örugglega ekki hugmynd um það þá að síðasti tíminn yrði klukkan 8 um morgun.
en jæja, maður stendur við gefin loforð. þannig að skömmu síðar sat ég á hyrnunni í góðum félagsskap að borða morgunmat - ís með dýfu, horfandi til hvítra fjalla í 2 stiga hita. umræðurnar við borðið snérust um það hvort svartur eða hvítur væri betri litur - með tilliti til nætur og dags, og var þeim á tímabili orðið nokkuð heitt í hamsi. ég ákvað að blanda mér ekki í málið..

Borgarnes

2007-05-09T16:12:00.000-07:00

svona lítur borgarnes út þessa dagana = það er komið vor
ég er ákveðin í að eyða eins miklum tíma utandyra og ég get á meðan ég er svo heppin að búa úti á landi. hér þarf ekki að labba nema í nokkrar mínútur, þá er maður kominn í hvarf frá mannabyggð og ekkert heyrist nema fuglar og sjór.

ég færist nær frelsinu með hverjum deginum: söngpróf búið, aukavinna búin, riterð í endurmenntun komin á sinn stað, bara eitt próf eftir á laugardaginn og þá get eg farið að njóta mín.

gangi ykkur vel í próflestri og lokaverkefnasmíðum

Er ég að misskilja?

2007-05-09T04:45:00.000-07:00

Ég vona að ég sé að misskilja..

Er verið að senda rúmensku götuspilarana úr landi vegna kvartana um ónæði og vegna þess að þeir hafa ekki tilskilin leyfi til að halda tónleika á almannafæri?? ...og grunur um tengingu við erlendan glæpahring? Er verið að grínast?

Hvað þarf maður að vera rotinn inni í sér til þess að pirra sig og kvarta yfir því að brosmildur karl sitji á götuhorni og spili á harmonikkuna sína í vorinu??

Oj!

?

2007-05-08T07:24:00.000-07:00

Mitt fyrsta múv í morgun var að þvo hárið á mér með sturtusápu
(sturtusápan inniheldur olíu og lítil sandkorn til að skrúbba húðina)

Ég hélt að um væri að kenna mikilli þreytu, svo ég skellti í mig 2 kaffibollum og hélt áfram með morgunverkin.

Áður en ég fór út, setti ég handsápu á tannburstann minn.

Þið megið giska á útlit mitt og innlit þegar ég mætti í vinnuna.

Suma daga finnst mér að ég ætti að fá að vera heima.

X hvað?

2007-05-07T09:43:00.000-07:00

http://xhvad.bifrost.is/

svo sniðugir þarna á bifröst.. þetta er svona próf fyrir þá sem vita ekki hvað þeir eiga að kjósa. þetta eru nú basic spurningar og ætti útkoman ekki að koma neinum á óvart sem hafa eitthvað spáð í þessi mál

Ef einhver þarna úti hefur alveg misst af kosningabaráttunni og er ekkert búinn að velta þessu fyrir sér, en vill ekki kjósa með rassgatinu, þá er fínt að svara þessum 10 spurningum og fá svart á hvítu í hvaða liði hann er. alltaf verið að finna eitthvað upp til að létta manni lífið, hahh..

road trip..

2007-05-02T09:22:00.000-07:00

í gær fór ég á flakk, til þess að sjá og sýna öðrum íslenska náttúru - með klettum, sjó og fagurri jöklasýn..

það var svo mikil þoka að ég sá ekki einu sinni að næstu stiku og þurfti að keyra á ca 20 km hraða þegar verst lét. ég keyrði því um landið í 6 klst án þess að sjá neitt og var löngu hætt að gera kröfu á fallegt landslag - meira svona að sjá fram fyrir húddið á bílnum til þess að komast aftur heim, haha :)

já svona getur fagra ísland leikið á mann stundum

framhald

2007-04-27T08:28:00.000-07:00

Ef það eru ungar stúlkur (og drengir) sem lásu færsluna hér að neðan, fóru í framhaldinu að leita og fundu grá hár á höfði sér... ef það eru jafnvel einhverjir þarna úti sem eru að lesa og hafa fundið fyrir framhaldseinkennunum tveimur, þ.e. hrukkumyndun eða hárlosi. Ég biðst afsökunar ef ég hef vakið hjá ykkur óþægilegar tilfinningar

Ég vil, sem sárabót, benda á fegrunarráð sem ég fékk frá ca 100 ára gamalli konu einu sinni þegar ég var að vinna á elliheimili. það snýr ekki að hárlosi, það kann ég ekki að laga. Það snýr að hrukkum og hljómar svona: Það er mikilvægt að bera krem á hálsinn á sér því annars verður hann hrukkóttur.
Þetta hljómar kannski augljóst, en henni þótti semsagt ástæða til að minnast á þetta því hálsinn er mikið millibilssvæði. Maður gleymir að setja andlitskrem svona neðarlega (enda er þetta ekki hluti af andlitinu) og maður setur yfirleitt ekki body lotion þarna (því það er svo mikið að gera við að smyrja á maga, læri og annað sem er mun neðar) Þess vegna verður hálsinn gjarnann útundann og verður þurr, ljótur og hrukkóttur.

veit ekki af hverju ég mundi allt í einu eftir þessu, það er langt síðan ég var að vinna á elliheimili.. og líklega svipað langt síðan ég bar krem á hálsinn á mér.. frá og með deginum í dag..

Hvern hefði grunað að ég ætti eftir að rita hér á þessa síðu, fegrunarráð. Jæja, góða helgi

ég skal ekki segja..

2007-04-26T17:32:00.001-07:00

um það hvort þessi vetur hefur tekið meira á taugarnar en aðrir vetur sem ég hef upplifað. Ljóst er að ég hef kynnst á mér hliðum sem ég vissi ekki að ætti, sérstaklega hvað viðkemur skapi. Ég hef hingað til haldið að ég væri frekar skaplaus, mesta lagi doldið þrjósk en alls ekki skapstór. Í vetur hef ég komist að því að ég er nokkuð skapstór (skapstygg fram til 10, en það er önnur saga) og hef nokkrum sinnum komist í hann krappann vegna óviðeigandi orðanotkunar og hegðunar í starfi. Að standa einn og berskjaldaður fyrir framan 25 manns frá 8 á morgnanna og fram eftir degi getur nefnilega tekið á taugarnar og það fer algerlega eftir dagsforminu á manni hvernig gengur.. allavega hjá mér.

Það var samt ekki ástæðan fyriri þessum skrifum mínum. ég velti fyrir mér hvort þessi vetur hafi tekið meira á en aðrir vegna þess að í gær í klippingu fannst í mér grátt hár. Ég endurtek - það fannst í mér grátt hár! Ekki eitt, heldur tvö.
Það tilkynnist því formlega ég er farin að grána og verð líklega farin að líkjast steve martin með haustinu. Ég vil ekki meina að ellin hafi tekið völd, mér finnst þetta mikið þroskamerki og er handviss um að púlla jafnmikinn sjarma og George Clooney þegar gráu hárunum fer að fjölga. Samt spurning um að kenna ekki annan vetur, því þá gæti farið að bera á hrukkumyndun og hárþynningu..

vertu til er vorið kallar á þig..

2007-04-25T06:28:00.000-07:00

án þess að ég vilji vera að tuða.. þá finnst mér alveg kominn tími á að það hætti að rigna, þokunni létti og ég fái að sjá smá sól!

ég vil fara að komast í garðverkin, eins og hann emil félagi minn :)

fyrir aðdáendaklúbb afa í bæjó

2007-04-21T06:28:00.000-07:00

...sem stendur eru meðlimirnir að mér vitandi um 2 talsins - en með tilliti til þess hve mikið krútt karlinn er, þá geri ég ráð fyrir að það eigi eftir að fjölga mikið á næstu dögum

Sumarkveðja til afa í bæjó :)

komin heim..

2007-04-20T09:56:00.000-07:00

..óbrotin

helgin fer í ritgerðarsmíðar og að læra utan að söngtexta á þýsku og ítölsku.. hvernig á ég að muna þetta þegar ég skil ekki um hvað er verið að fjalla - ohh, well - kannski er þetta ekkert öðruvísi en að fara í próf í hinum ýmsu fögum og læra glósur utan af án þess að vita almennilega um hvað er verið að fjalla

allavega, kaffidrekkandi náttfatahelgi framundan - ef einhver vill vera með, þá bara mæta á svæðið

góða helgi

..já og gleðilegt sumar :)

jæja

2007-04-15T15:49:00.000-07:00

það er komið kvöld og kominn tími til að pakka fyrir skíðaferð morgundagsins.. merkilegast finnst mér að foreldrar hafa verið að hringja í dag og biðja mig um ráðleggingar í sambandi við pökkunar- og nestismál.. Ég lét vera að segja þeim að það er alltaf á síðustu metrunum sem ég pakka og gleymi undantekningarlaust einhverju. Um nestismálin get ég ekki heldur svarað, því þeir sem þekkja vita að ég á í mesta basli með að sjá um mig sjálf þegar kemur að matargerð og innkaupum.
Já það er ýmislegt sem maður þarf að svara fyrir sem umsjónarkennari.. en ég held það væri nær að ég hringdi í eitthvað af þessum góðu mæðrum og léti þær smyrja fyrir mig nesti og pakka :)
allavega, þá legg ég af stað í fyrramálið og vona að ég snúi aftur á þriðjudagskvöld án grindagliðnunar eða beinbrots.. sjáumst

hjúkk að það er rigning á dalvík...

2007-04-11T13:09:00.000-07:00

ég fer nefnilega í skíðaferðalag til akureyrar af þeim sökum.. í sama hópi þó - elskhuginn og frakkland verða að bíða betri tíma :)

ég hugsa mér samt gott til glóðarinnar og hlakka til að eyða 2 dögum í vori á Akureyri.. vona að ég hafi tíma til að grípa kaffi á bláu könnunni (of bjart held ég að vonast eftir einum köldum á karólínu, hehe) en akureyri er það engu að síður í næstu viku.. sól, snjór og oreo kex :)

hvernig er það rúnki.. eigum við ekki að reyna að grípa einn kolsvartan? :) þú bregður þér kannski bara á skíði með mér og unglingunum, haha :-D

Well well well

2007-04-10T10:29:00.000-07:00

Umsókn hefur verið send. Nú er bara að bíða og sjá.. hvort frændur okkar geti hugsað sér að bæta enn einum sauði í hópinn.
Ég ætti kannski að gera B - plan. Maður er svo dekraður og vanur því að allt gangi upp sem maður ætlar sér, nú er maður samt orðinn fullorðinn og ekkert víst að öll plön gangi eftir.

En við skulum sjá. Ég læt ykkur vita í júní, hvort af þessu verður eða ekki.

Þess má geta að þessi mynd var tekin á kaldasta degi í sögu Kaupmannahafnar, fyrr og síðar. Það sem átti að vera létt og skemmtilegt menningarrölt, breyttist á augabragði í mikla háskaför.. og verð ég að viðurkenna að mér fannst ekki mikið í haffrúna spunnið þegar ég loksins leit hana augum. kannski maður geri aðra tilraun við tækifæri :)

skíðaferðalög...

2007-04-08T15:30:00.001-07:00

sumir fara með elskhuga sínum til frakklands...

ég fer með 8. bekk til dalvíkur ..

skemmtilegir páskar :)

2007-04-06T15:07:00.000-07:00

þessi fallegi krakki fermdist :* :)

þessi unga dama kom í heimsókn :)

og við hittum þessa :)

ekki skemmdi fyrir að þessi lét sjá sig og sýnist mér að hún ætli að dvelja eitthvað áfram

húrrraaa :)

restina af páskafríinu ætla ég að einbeita mér að því að gera ekki neitt.. as in sofa lengi, borða gott, vera úti í sólinni og lesa. gott að vera í fríi

it´s the final countdown..

2007-03-28T15:39:00.000-07:00

the danish queen is landing, once again. This photo is from her first trip to Iceland in 2004. This was her first bite of dried fish and her first taste of Iceland.. she has been addicted ever since. She keeps coming back - and we like!

Píkusögur..

2007-03-20T15:40:00.000-07:00

Fór að sjá píkusögur í kvöld og svakalega er þetta flott stykki! ég hef sko farið áður, fór í Reykjavík og fannst alveg magnað. Það myndaðist einhvern veginn svo flott og náin stemming þó að það væru svona margir í salnum.

Þess vegna ætlaði ég ekki að nenna í kvöld, fyrst ég var búin að fara og ég vissi heldur ekki alveg hvernig þetta yrði í samkomuhúsi í borgarnesi.. ég ákvað nú samt að druslast til að fara, til að sýna lit. svo var þetta bara alveg magnað.. og eiginlega ennþá magnaðra þegar maður þekkir næstum öll andlitin í salnum og konurnar sem eru að leika líka. þá verður þetta enn nánara og merkilegra.

langaði bara að deila með ykkur.. og allir að skella sér :)

i ok

2007-03-07T07:28:00.001-08:00

2007-03-07T03:05:00.000-08:00

það að mig langi í drykk fyrir hádegi á miðvikudegi segir kannski ýmislegt um daginn.. eða mig.. eða starfið mitt.. allavega verður fínt þegar þessi dagur er að kveldi kominn..

Heiðrún recently..

2007-03-06T02:02:00.000-08:00

munið þið eftir þessari mynd sem var tekin af Whitney á bensínstöð um daginn.. það var sirka svona sem ég leit út í nótt þegar ég stóð fyrir utan heilsugæslustöðina í borgarnesi og var að bíða eftir næturlækninum - mér hætti næstum því að vera illt þegar ég áttaði mig á hrikalegum útgangnum á mér.. Ullarsokkar, grænköflóttir skór, bláar náttbuxur, hvítur hlýrabolur, enginn brjóstahaldari, síð mokkakápa, hálfblautt hár með sjampói í.. Ég var farin að halda að læknirinn á næturvaktinni hefði séð mig úr fjarska og ákveðið að keyra í burtu..

Ástæðan fyrir veru minni þarna var semsagt að ég festist í hálsinum eina ferðina enn. Það hefur komið fyrir mig áður og þeir sem hafa séð mig í því ástandi vita að það er ekki lekkert. Ég labba einhvern veginn eins og hringjarinn frá Notre Dam, með hausinn á hlið, ég get lítið talað og ég get ekki kyngt, svo ég slefa. þessu fylgja svakalega miklar kvalir svo ég fer yfirleitt líka að grenja, þannig að þeir sem vilja geta reynt að sjá fyrir sér heildarmyndina.. Hinir sem ekki eru orðnir 16 eða bara einfaldlega treysta sér ekki til þess að leggja saman tvo og tvo, skulu láta það eftir sér

Í fyrsta sinn sem ég fékk þetta, beið ég svo lengi á bráðamóttökunni að þetta lagaðist af sjálfu sér.. og ég sem hafði setið þarna slefandi á stól í marga klukkutíma, rétti bara allt í einu úr hausnum, stóð upp og labbaði út (spurning hvað fólkið í kring hefur haldið.. að ég væri bara svona þreytt að bíða að ég nennti ekki að gera þetta upp lengur, haha)

í gær var öðrum og harðari aðferðum beitt og á tímabili hélt ég að læknirinn ætlaði að slíta af mér hausinn! ég lá þarna á bekk og hann togaði og togaði og togaði í allar áttir og sagði við mömmu "haltu fótunum á henni margrét" því ég emjaði og veinaði og barðist um á hæl og hnakka (ég er guðs lifandi fegin að hafa aldrei verið í íþróttum, þar sem meiðsli eru daglegt brauð, ég væri ekki vinsæl hjá öðrum liðsmönnum) þegar hann var búinn að toga og toga og ég fann að klemman var að losna, þá sagði doktorinn "ég held svei mér þá að þetta sé bara verulega slæm hálsbólga" haha - ég veit ekki með ykkur en svona bráðahálsbólgu hef ég aldrei heyrt um.

eftir nóttina er ég semsagt fegin að læknum ber skylda til að hjálpa öllum, sama þó útgangurinn á þeim sé eins og á krakkhóru úti í löndum :)

Stundum er krúttlegt að búa úti á landi...

2007-02-27T14:17:00.000-08:00

..þetta var að detta inn um lúguna

Skyggnilýsingafundur

Skyggnilýsingarfundur verður haldinn í samkomuhúsinu Borgarnesi sunnudaginn 4. mars kl 20:30. Aðgangseyrir kl 1.500 - ágóði rennur til líknarmála.

Lionsklúbburinn Agla

einhvern veginn hef ég á tilfinningunni að ég fengi ekki svona dreifimiða í Reykjavík eða úti í löndum, haha :)

Annars er allt gott að frétta, ef þið voruð að velta því fyrir ykkur hvort ég væri látin.. Ég er nokkuð brött í frostinu bara - með hresst í ipodnum og dúðuð frá toppi til táar næ ég að einangra mig nokkuð vel frá kuldanum.

Ég fæ ekki nóg af ...

2007-01-23T01:20:00.000-08:00

þessari sögu

Hún er ógeðslega spennandi og ég held maður verði svona sjúkur í hana því það gerist ekkert beinlínis, heldur er bara alltaf verið að gefa eitthvað í skyn. Svo held ég að maður verði líka sjúkur í hana því maður fær bara einn kafla í einu. Við erum vön því að fá allt þegar við viljum það og þess vegna er dálítið erfitt að fá bara smá bút í einu og verða svo að bíða eftir því að höfundurinn setji meira inn.

Endilega kíkið á þetta - þið eruð samt heppin sem eruð að sjá hana fyrst núna, því það eru komnir margir kaflar og hægt að lesa mikið í einu! :)

Það er helst að fréttta..

2007-01-22T13:00:00.001-08:00

að það eru 23:30:55 í Tónlistarverðlaun FM957

Sálin hans Jóns míns er tilnefnd sem besta hljómsveit ársins

Auðunn Blöndal er kynnir á hátíðnni

Hann segist aldrei hafa farið á ball með Sálinni

ég hef ekki meira um málið að segja

Lífsbjörg

2007-01-22T08:12:00.000-08:00

Það hrökk ofan í mig saltað hrossakjöt um helgina og stóð pikkfast. sem betur fer var mæja nýbúin að fara á skyndihjálparnámskeið þar sem hún lærði heimlich. gugga náði mynd af atburðinum

2007-01-17T08:22:00.000-08:00

Ég er svo uppfull af sögum sem mig langar að deila með ykkur... en ég er búin að lenda ansi oft í því að skrifa og skrifa og skrifa.. og svo kemur "cannot connect to blogger" og allt dettur út.

Það hefur reynt meira á geðheilsu mína en góðu hófi gegnir svo ég ætla að finna mér annan vettvang fyrir pælingar mínar.

Læt ykkur vita...

Gleðilegt nýtt ár!

2007-01-03T07:04:00.000-08:00

Það er jóla- og áramótapistill á leiðinni..

Blogger ekki alveg nógu góður svona í upphafi árs og ég að manna mig upp í að byrja aftur

Ég vona samt að þið hafið öll haft það gott yfir hátíðarnar og komið fersk til leiks á nýju ári :)

New Kids on the Block

2006-12-27T09:46:00.000-08:00

Mér fannst strákarnir í New Kids on the Block einu sinni heitustu menn í heimi hér. Sjálf var ég barn og átti hvorki geislaspilara né geisladiska en þegar ég fór í heimsókn til frænku minnar, sem var unglingur og átti allar græjur þá hlustaði ég á þá dreymandi á svip með gæsahúð. Það eina sem ég átti til minningar um þá voru plaköt úr Æskunni og kasetta með lagi sem ég náði upp úr útvarpinu.
Ég rakst á myndband með þeim rétt í þessu og dæmi nú hver fyrir sig um karlemnnsku þeirra og stíl.
"Step by step, u baby..."

Get ég fengið jólafrí?

2006-12-18T05:57:00.001-08:00

2006-12-14T02:36:00.000-08:00

Held ég sé dauðvona

2006-12-13T04:36:00.000-08:00

Það er helst að frétta að leti mín og aumingjaskapur náði hæstu hæðum í gærkvöldi. Ég nennti ekki að elda frekar en fyrri daginn og ákvað því að skjótast í "kjörbúðina" mína, sem er tælensk matstofa/bar í nágrenninu. það koma fáir þangað og þeir hafa meira sérhæft sig í drykkjum og gegna hlutverki eina skemmtistaðar bæjarins um helgar. Það er samt með opið alla daga vikunnar og þarna má kaupa helstu nauðsynjavörur yfir barborðið. Ég var samt ekki í stemmingu til að kaupa kit kat og kók í kvöldmat, þannig að ég ákvað að panta mér mat hjá þeim. Ég fékk mér djúpsteiktar rækjur og tilheyrandi, stendur alltaf fyrir sínu hugsaði ég.
Ég var samt búin að gleyma hvað ég er að verða gömul og hvað djúpsteiktur matur er svaaakalegur!
Rækjurnar voru á stærð við tannstöngul (samt ekki svo langar) en ég sver að með djúpsteikingunni voru þær eins og meðal ástarpungur að stærð. Ég át semsagt fitu í kvöldmatinn.. með grjónum og súrsætri sósu. Óeðlilegi hluti þessarar annars áhugaverðu sögu er að þrátt fyrir að þetta væri eins og að éta eintóma fitu, þá kláraði ég allan skammtinn!! þetta þekkja þeir sem umgangast mig - ég hlýt að hafa verið hugrað barn í Afríku í fyrra lífi.
Jesús.. það var ekkert öðruvísi en það að ég sofnaði fljótlega eftir matinn í sófanum, með kjötsvima.. fitusvima.. - minnti mig á Kana í góðum holdum. Ég fann hvernig æðarnar tútnuðu út meðan fitan braut sér leið um kerfið, svo fékk ég meltingartruflanir. Nú er hálfur sólarhringur síðan átið stóð yfir og ég finn enn fyrir líkamlegum einkennum.

Þetta, saman við allan æsinginn í mér; yfir Grundarmálinu, Íslendingum að missa vitið í jólastressi, tillitsleysi fólks í umferðinni, hættuástand lögreglumanna, fátækt á íslandi og margt fleira getur ekki verið hollt fyrir frænku á mínum aldri. Þess vegna er ég að hugsa um að taka íslensku stemminguna á þetta og láta mér fátt um finnast um menn og málefni..
svo ætla ég aldrei að borða djúpsteiktan mat framar

Grundarmálið

2006-12-11T14:46:00.000-08:00

Ég vil byrja á því að segja að ég ber mikla virðingu fyrir gömlu fólki.

Mér finnst að við eigum að hugsa vel um það fólk sem hefur lagt hart að sér við að byggja upp það samfélag sem við búum í í dag. Það er þessu fólki að þakka að við erum til.

Ég veit að aðbúnaður aldraðra á Íslandi er í mörgum tilfellum lélegur og ég veit líka að gamalt fólk er oft einmanna, því nánustu ættingjar hafa ekki tíma til að sinna því og starfsmenn dvalarheimilana eru fáir og ekki er tími til að sinna nema grunnþörfum hvers og eins.

Ég er 100% sammála að það þarf að gera eitthvað í málefnum aldraðra á Íslandi. Mér finnst samt ekki rétt að einhver stelpuskjáta sem aldrei hefur komið nálægt umönnunarstörfum fari undir fölsku flaggi eins og í amerískri bíómynd og skrifi sjokkerandi grein um ástandið. "Blaðamaður Ísafoldar starfaði á Grund í viku þar sem hann fékk innsýn í lífið og samfélagið á elliheimilinu eins og það er í raun."

- Maður fær ekki skýra eða rétta innsýn í neitt samfélag eftir einungis vikudvöl!
Ég veit heldur ekki um neinn sem hefur farið að vinna á nýjum vinnustað og verið með allt á hreinu og þekkt hvern krók og kima eftir eina viku!

Það er greinilegt við lestur greinarinnar að blaðakonan hefur litla þekkingu á umönnunarstörfum, og eins og við er að búast þegar byrjað er í nýju starfi kemur margt henni á óvart og sumt kemur óþægilega við hana. Ég hef sjálf unnið við umönnun og ég veit að það er ekki auðvelt að byrja í þessu starfi. Það er ástæða fyrir því að fólk þarf að búa inni á stofnunum, það er ástæða fyrir því að gamalt fólk er komið inn á dvalarheimili; það er hætt að geta séð um sig sjálft. Auðvitað er það óþægilegt til að byrja með að aðstoða fullorðið fólk við að sinna grunnþörfum sínum, en svona er þetta nú samt að þetta fólk þarf aðstoð og þarf að sinna því með vinsemd og virðingu. Þó þetta sé erfitt til að byrja með, venst þetta og allir sem hafa reynt vita hvað umönnun aldraðra er gefandi og skemmtileg.

Samt örugglega ekki þegar maður byrjar í starfinu með neikvætt hugarfar og hættir svo eftir viku.

Blaðakonan skrifar af lítilli virðingu við fólkið sem hún fjallar um og setur fram á ruddalegan hátt lýsingar af fólki sem augljóslega hefur misst getu til að sjá um sig sjálft. Hún skrifar nákvæmar lýsingar sem ekki eru við hæfi og þó nöfnum sé breytt þá segja þeir sem til þekkja að auðvelt sé að ráða í hver er hvað. - Ætli maður væri sáttur ef maður réði til sín heimilishjálp sem hætti eftir viku og þyrfti svo að lesa groddalegar lýsingar á heimilishaldinu í næsta tölublaði Vikunnar eða Mannlífs? Þessi grein átti líklega að vera skrifuð fyrir bættri aðstöðu gamla fólksins en er gróf innrás í einkalíf þess.

Þegar fólk eldist verða gjarnan á því skapgerðar og karaktersbreytingar. Þetta getur verið erfitt að koma auga á, sérstaklega fyrir manneskju sem kemur inn af götunni og þekkir lítið til. Þeir sem umgangast fólkið dagsdaglega þekkja hvern og einn persónulega og vita hvernig best er að vinna með þeim. Ég veit ekkert um starfsmannamál á Grund en mér finnst ekki líklegt að starfsfólkið sé svona illa innrætt og sinni vistmönnum eins illa og gefið er í skyn í greininni. Ég er svosem ekki að tala um Grund sérstaklega - mér finnst þetta bara lúaleg aðferð, léleg blaðamennska og óvirðing við einkalíf fólks.

Það getur ekki gefið rétta mynd af samfélaginu eða heimilinu Grund þegar manneskja sem ekki er vön umönnunarstörfum starfar þar í viku og ætlar að lýsa lífinu þar eins og hún sé fædd og uppalin þarna. Þessi aðferð að fara inn á einhvern stað undir fölsku flaggi virkar kannski í Amerískri unglinga bíómynd þegar verið er að fjalla um unglinga í framhaldsskóla, en hvað þetta mál varðar er þetta alls ekki við hæfi.

Mér finnst blaðakonan sýna fólkinu sem vinnur á Grund litla virðingu, fólkinu sem býr þar enn minni virðingu.

Mér finnst að hún og ábyrgðarmenn Ísafoldar ættu að skammast sín - þetta er lélg hugmynd.
Nær hefði verið að taka viðtal við starfsmann eða fá starfsmann sem þekkir vel til, til að skrifa greinagerð. Ef þeir vildu endilega gera þetta svona, hefði allavega verið hægt að fá manneskju með þekkingu á þessu sviði til þess að starfa þarna og meta stöðuna.

Ég er sammála Grundarmönnum að hafa kært og ég skora á ísafoldarmenn að birta ekki seinni hluta greinarinnar, af virðingu við aldraða, starfsmenn og aðstandendur þeirra.

P.s mér finnst líka asnalegt þegar verið er að tala um nístandi einmannaleika gamla fólksins í samhengi við undirmönnuð dvalarheimilin - eru það ekki ættingjarnir sem eiga að sjá um það að foreldrar þeirra, afar og ömmur séu ekki einmanna, ég bara spyr? Dvalarheimili eru ekki geymslur, heldur dvalarstaðir til þess að njóta síðustu áranna í öryggi og umhyggju.

Messutryllingur

2006-12-11T03:50:00.000-08:00

Flest eigum við örugglega minningar frá því að sitja í kirkju við eitthvað tilefni, fá óstöðvandi flisskast og geta ekki með nokkru móti hætt að hlæja. Mamman við hliðina á manni að gefa olnbogaskot með ströngum svip og fólkið á bekknum fyrir framan farið að líta við með vanþóknunarsvip.

Þetta kom allavega fyrir mig oftar en einu sinni þegar ég var krakki og ég man alltaf hvað þetta var óþægilegt, því þó mann hafi langað að hætta að hlæja, þá bara gaaat maður það ekki.

Hélt kannski að þetta væri liðin tíð...

Síðast gerðist þetta í gær!

- sem er frekar neyðarlegt í ljósi þess að ég sat á fremsta bekk í dömulegum kjól með varalit og hafði hlutverki að gegna í messunni...

can someone buy me a flight to Durham - just for one weekend :)

2006-12-08T07:43:00.000-08:00

Happy Birthday Matthew!
Wish I could have been there with you guys! :)

love the photos... and obviously you had fun without me being there.. what´s that?! hahaa :-D
Hide on a saturday in good company with a mojito, Hide on a sunday in a good company with a cappuccino!!!

miss you guys! :*

Segi upp!

2006-12-06T07:44:00.000-08:00

Ég segi hér með upp störfum sem kennari, vinkona, dóttir, systir, húsmóðir og dama.. Ég segi upp öllum skyldum og störfum sem ég hef að gegna í samfélaginu

Beggi my man kom í dag og setti upp hjá mér sjónvarp.
Núna er ég með 99 stöðvar - eftir margra mánaða sjónvarpssvelti.
Næst á dagskrá hjá mér er að leggjast upp í sófa með teppi og vera þar þangað til fer að vora.

Adios!

framtakssemi á mánudegi..

2006-12-05T01:53:00.000-08:00

í gær fékk ég mér bæði stutt hár og reykskynjara

bæði því sannarlega var kominn tími til

það sem varð til þess að ég fékk mér stutt hár var að ég sá myndir af mér úr afmælinu hennar Kollu

reykskynjara vegna þess að ég horfði á barnatímann á sunnudaginn í góðum félagsskap. þar var verið að fjalla um eldvarnir og ég mundi að þetta var eitt af því sem hafði setið á hakanum

Nú er bæði lubbinn horfinn og allir reykskynjarar komnir á sinn stað, svo ég er í nokkuð góðum málum í bili

2006-12-04T06:39:00.000-08:00

mikið hlakka ég líka til að fara í klippingu á eftir

:)

UNO - you know

2006-12-04T06:15:00.000-08:00

Bauð "saumaklúbbnum" í mat á föstudaginn. Ég bý nátturlega úti á landi og þá er nauðsynlegt að vera með gylliboð svo fólk komi í heimsókn, hehe:) Það var ekki 100% mæting en virkilega góðmennt. Við ætluðum á tónleika en enduðum með því að spila UNO :) Ágætis skipti myndi ég segja. Ég leyfði auðvitað gestunum að vinna, þó það sé nátturlega deginum ljósara að ég er meistari í leiknum..

Ég minnist þess að fyrir ca hálfu ári skrifaði ég langa færslu um mikla snilli þessarar vélar. Ég fékk miklar háðsglósur fyrir og fólk efaðist stórlega um að ég væri heil heilsu. Margir urðu samt forvitnir og úr varð að ég tók vélina með mér á mannamót. Þar kynntist fólk þessu undri og ég held að ekki líði á löngu þar til ég komist ekki út úr húsi án þess að vera með vélina góðu undir hendinni.. ekki líður á löngu þar til ég verð boðin í hús, útidyrahurð opnast, vélin verður tekin af mér og lokað á trýnið á mér. Jeminn hvað hef ég gert? - án UNO vélarinnar er ég ekki neitt..

og hvað er líka að gerast - nú hef ég skrifað tvær færslur um þessa vél :-S

Með grátt að neðan...

2006-11-30T14:14:00.000-08:00

Heiðrún: ... því það átti auðvitað enginn gemsa þegar ég var í 10. bekk
Nemendur: bwahahahahahaa

Það spannst í kring um þetta mikil umræða um hvernig fólk hefði eiginlega lifað af á þessum hræðilegu árum fram til 1998 þegar fólk fór að fjárfesta í GSM símum.

Maður hringdi nú bara heim til vina sinna og spurði eftir þeim.. munið þið, hehe. Er silla heima? ..og svo var á tali heima hjá manni í marga klukkutíma því það þurfti að gera upp skóladaginn og allt það drama sem fylgdi því að vera unglingur! En svo þegar vinirnir voru ekki heima, þá þótti alveg sjálfsagt í Borgarnesi að hringja bara í tíkallasímann í Hyrnunni. Það svaraði einhver og þá spurði maður "hver er þarna?" Sá sem svaraði þurfti þá að telja upp alla sem voru að hanga í sjoppunni og ef einhver var þarna sem áhugavert þótti að kíkja á, þá voru Art skórnir reimaðir á og arkað af stað.. :)

Mér finnst þetta fyndnar og skemmtilegar minningar, en verð þó að viðurkenna að mér leið eins og ellilífeyrisþegar þegar ég var að segja unglingum nútímans frá þessu... Ekki skánaði það skömmu síðar þegar ég var aftur farin að kenna og fékk þetta í andlitið:

...en Heiðrún, þarf ritgerðin nokkuð að vera á svona forn íslensku, eins og þú notar þegar þú skrifar?

ó svo fljótt

2006-11-28T14:00:00.000-08:00

er ég sú eina sem finnst tíminn þjóóóóóta áfram á ógnarhraða?! ég veit ég hljóma eins og sjötug kerling en ég sver það, mér finnst alltaf annað hvort vera mánudagur eða föstudagur... ef út í það er farið, finnst mér alltaf vera föstudagur. þetta þýðir að mér leiðist ekkert svakalega, en þetta þýðir líka að ég kem engu í verk sem ég ætla mér. ég lofa kannski að gera eitthvað "á morgun" en svo er hnippt í öxlina á mér og þá er liðinn mánuður og ég ekkert farin að gera. ekki gott! dálítil breyting á lífstíl frá því í englandi í fyrra, þar sem ég var meira í því að sofa fram á hádegi og njóta mín, hehe. samt betra svona held ég :)
síðasta helgi var góð - kollan kom í mat til mín á föstudaginn, áður en hún flaug norður yfir heiðar til þess að nema læknalistina af akureyrardoktorum.. miðað við mikla list að þræða nál á sínum ektamanni held ég bara að hún eigi eftir að spjara sig vel:) virkilega gaman hjá okkur í þessu annars fámenna matarboði, mikið kjaftað og hlegið:)

i´m just loosing a freijíheeeeend...

2006-11-27T01:11:00.000-08:00

í gær hljóp ég út í sjoppu til að kaupa mjólk.. sem er svosem ekki í frásögur færandi nema fyrir það að ég rak augun í plakat sem mér fannst mjög sniðugt. Þarna innan um auglýsingar um týnda ketti, dráttarvélar til sölu, kvennakórsæfingar og aðrar auglýsingar sem al vanalegt er að sjá í sjoppum út á landi, þá hékk þarna auglýsing um það að Nylon stórstjörnurnar myndu troða upp í bankanum í dag klukkan 2. "Missið ekki af Nylon í KB banka Borgarnesi, mánudaginn 27. nóvember klukkan 14" Þetta finnst mér ógeðslega fyndið! Þetta eru týpur sem bretarnir halda víst ekki vatni yfir, þær eru að sögn manna á barmi heimsfrægðar og í alla staði gasalega lekker stúlknapopphljómsveit.
Að spila í bönkum úti á landi í miðri viku... Hva, eru þær sendar þarna til að skemmta þjónustufulltrúunu? Eða gömlum sveitköllum sem hafa gert sér ferð í bæinn með bankabókina í vasanum til þess að taka út peninga? Á þessum tíma eru flestir að vinna.. auk þess sem markhópurinn þeirra er enn í skólanum.. eða á leikskólanum, ef út í það er farið

Tekið til..

2006-11-24T03:46:00.000-08:00

Jólahreingerningin var gerð í fyrra fallinu þetta árið. Ég ákvað að taka aðeins til í mínu og voru gamlar mublur látnar fjúka. Það hafði þó staðið til að lappa upp á þær en ég held svei mér við nánari athugun að það borgi sig að fá sér nýtt.. svona til lengri tíma litið.

Why o why?!

2006-11-23T13:06:00.000-08:00

Spagetti, hrísgrjón frá í gær, túnfiskur, tómatsósa og salt. Allt sett saman í pott. Hitað upp til átu.

Oj!

Af hverju hefur matseðill minn aldrei verið eins stúdentalegur eins og eftir að ég fór út á vinnumarkaðinn? Það er ekki vegna þess hvað kennaralaunin eru lág. Það er einfaldlega vegna þess að ég er of löt til þess að labba í 20 mín til að fara í Bónus og hér eru ekki skyndibitastaðir á hverju horni.

Spurning samt um að fara að taka sig saman í andlitinu... :-S

Hýrar Fréttir

2006-11-23T07:58:00.000-08:00

það er ýmislegt að frétta..

Ég brá mér til dæmis óvænt til Kaupmannahafnar um daginn og óhætt að segja að úr hafi orðið mikil gleðiferð!

Markverðast úr ferðinni er frelsun míns heittelskaða; héðan í frá verður 12. nóvember haldinn hátíðlegur... ef vel á að vera legg ég jafnvel til þess að allir sunnudagar verði haldnir hátíðlegir og gott ef fólk klæði sig upp á og geri sér dagamun (sunnudagar eru hvort sem er alltaf hundleiðinlegir og ekki amalegt að hafa ástæðu til að lyfta sér aðeins á kreik:)
Það var ýmislegt brallað í ferðinni þó útlit hafi verið fyrir að meirihlutanum yrði eytt á flugvellinum; við töluðum svo mikið að við vorum þar í marga klukkutíma og drukkum bjór með þýskum leðurklæddum mótorhjólamönnum á leið á tónleika... Meðal annars fórum við í bíó, átum buffet á tacky kínverskum veitingastað, hlógum, versluðum, fundum skemmtilegan bar sem var splunkunýr að við héldum. Þar voru ekki margir og við töldum okkur góð að hafa fundið svona leynilegan og töff stað sem ekki væri enn búið að uppgötva að væri svona töff.. lásum þó í blaði skömmu síðar að það var bara nýbúið að mála hann og gera hann lekkeran eftir að maður var skotinn þar inni og allt var í blóðslettum og viðbjóði (Ehh.. kannski ekki svo lekker), elduðum, sungum í karókí með miklum tilþrifum (enn ekki hvað), horfðum á húsið á sléttunni og margt fleira sem maður gerir í svona helgarferðum til annara landa :)
Takk fyrir skemmtilega helgi krakkarassgöt !!

Annað er að ég er búin að koma mér vel fyrir á Brákarbrautinni og opið í kaffi fyrir gesti og gangandi ...bara hringja á undan sér, svo ég geti verið búin að hella upp á og raða púðunum í sófanum og svona ;)

Þessi færsla er skrifuð að heiman

2006-11-15T08:46:00.000-08:00

Beggi my man kom og setti upp hjá mér netið. Ég varð að láta í minni pokann fyrir tækninni... en hverjum er ekki sama, ég er komin með net heim til mín og von bráðar með sjónvarp. Þá get ég farið að horfa á eitthvað annað en gamla simpson og will&grace þætti á kvöldin. Haldið þið að það verði menningarsjokk fyrir gömlu! Svo fer ég nátturlega líka aftur á fullt í blogginu og verð aftur sýnileg á irkinu - sjáumst!

Að setja upp ráder er góð skemmtun

2006-10-25T07:17:00.000-07:00

..það segja þeir allavega í tölvuþjónustunni og fullvissuðu mig um að það væri eitthvað sem ég gæti alveg gert sjálf. ég er semsagt bæði flutt inn í nýju íbúðina og er um það bil að fara að fá internet. ég fór í morgun og sótti svartan kassa sem ég sting í samband og fæ þá heimasíma, internet og sjónvarp.. lítið mál það! þegar maður hefur bara búið á stúdentagörðum þar sem allt svona er gert fyrir mann, þá er maður frekar ósjálfbjarga í svona málum. En hann ómar sagði mér að þetta væri ekkert mál og ég treysti honum bara. Ef þetta er svona einfalt sting í í samband í kvöld og verð þar með í sambandi við umheiminn. þá get ég lofað ykkur að þið fáið að frétta af mér og lífinu mínu í sveitinni :)

Þá er komið að því

2006-09-28T16:03:00.000-07:00

...eftir að hafa farið aðeins afturábak í eðlilegri manndómsþróun, er ég að flytja út úr foreldrahúsum - í annað sinn.
Eftir að hafa verið meira og minna að heiman í 9 ár, flutti ég aftur heim um stundarsakir en tek nú stóra skrefið á um helgina. Ég fæ semsagt nýju íbúðina mína afhenta. það verður gaman að búa loksins í alvöru húsi með garði og útiljósi, en ekki alltaf í litlum hvítum ferningi sem heitir stúdentagarðar. ég hlakka líka til að sjá dótið mitt, sem hefur verið í kössum úti í bílskúr síðan ég fór til Englands fyrir um ári síðan.
Það rann reyndar upp fyrir mér að ég hef ekki verið dugleg í húsverkunum undanfarið ár; í englandi borðaði ég mest á kaffihúsum og þar sem ég bjó með 4 strákum fór lítið fyrir þrifum og öðru snurfusi. eftir að ég kom heim frá englandi bjó ég á hótelum, bæði sem gestur og starfsmaður en á báðum stöðum var almennum húsverkum sinnt fyrir mig. nú að því lúxus tímabili loknu, flutti ég heim til mömmu þar sem lúxusinn var vitanlega í algeru hámarki.. svo ég velti fyrir mér hvort ég er yfirhöfuð fær um að sjá um mig sjálf! - allavega verður matseðillinn sem reyndist mér alltaf svo vel á fyrri háskólaárum (drykkjarskyr og flatkökur með engu) líklega lítið spennandi..

það verður örugglega ótrúlega skrýtið að flytja í eigin íbúð í eigin fæðingarbæ. Undanfarin ár hef ég bara verið í borgarnesi í stutta stund í einu, þegar ég er í fríum eða í stuttum helgarheimsóknum. síðan ég flutti hingað í haust hefur mér líka liðið eins og ég sé bara hérna tímabundið.
ég átta mig líklega betur á raunveruleikanum þegar ég fer að venja komur mínar í héraðsbókasafnið og þarf að fara að kaupa í matinn í kaupfélaginu..

afmælisbarnið

2006-09-27T08:53:00.000-07:00

....þetta er nú eiginlega að breytast í afmælissíðu

Inga Björk á samt afmæli í dag og full ástæða til að óska henni til hamingju :)

TIL HAAAAMINGJU!! :)

þessar myndir eru teknar í vorferð okkar mæðgna til brighton - lovely:)

27. september 2005

2006-09-27T07:15:00.000-07:00

Ég er á little trip down the memory lane og fór að glugga í minnisbók frá því í fyrra

Dagur eitt í Durham

To do list:

* hringja heim og láta vita
* fara á Old Elvet og finna Peter Bell (landlord)
* fara á international office
* leita að skólanum
* kaupa millistykki

Er búin að labba og labba fram og til baka í dag - samt ekkert búin að villast :) fór á international office, ekkert í gangi þar en boðuð á fund á fim kl 10. fann old elvet en peter bell ekki við. var að leita að skólanum en fann þá óvart collingwood college - fékk góðar upplýsingar þar. leitaði um allan bæ að millistykki en finn hvergi frá íslensku í breskt plug - er eins og aumingi um hárið og tölva batt laus. hitti peter bell og kom í ljós að eina herbergið sem búið er að frátaka er herbergið sem ég er búin að koma mér fyrir í - ekta! fór samt með honum í íbúð og það eru 4 önnur herbergi sem eru laus.. samt öll pínulítil og ljót! það sem er skárst er appelsínugult og dökkblátt..

hehh - fyndið að skoða þetta, alltaf sama stemmningin fyrstu dagana í nýrri borg, maður villist bara fram og til baka, alltaf með 100 metra langa to do lista en finnur ekki neitt og heilu dagarnir fara í að redda einhverjum smáatriðum... mér fannst íbúðin ógeð og herbergin ömurleg og allt svo ruglingslegt og mér fannst enginn vera við sem ég þurfti að ná á.. en svo fer sólin alltaf að rísa eftir nokkra daga og allt verður pís of keik:)

...doldið spes kannski að blogga um þetta, en var bara að muna að akkúrat fyrir ári var ég nýflutt til Durham

Afmælisbarnið...

2006-09-21T15:53:00.000-07:00

Ég kynni með stolti, afmælisbarn dagsins !

Hann er að vísu í fangelsi í Danmörku núna eftir að öryggisverðir náðu honum við ósæmilega iðju fyrir utan glugga drottningar fyrr á árinu.

Þetta er nú samt besta skinn og ég óska honum innilega til hamingju með árin 24. Elsku nommi minn, ef þú lest þetta þá vona ég að þú hafir það gott í dag og vonandi sér einhver aumur á þér og bakar handa þér köku :-*

hahahaha

2006-09-21T06:59:00.000-07:00

þetta hefði ég viljað sjá...

fullur kínverji æðir upp að pandabirni og reynir að knúsa hann. pandabjörninn ekki sáttur og bítur kínverjann í fótinn. kínverjinn fílar ekki þennan móral í birninum og sparkar duglega í hann. pandabjörninn bítur hann þá í hinn fótinn en þá er kínverjanum nóg boðið og bítur pandabjörninn í bakið..

ég fæ kast! hahahahahaa

p.s björninn er ómeiddur, en í miklu uppnámi

North Road - Durham

2006-09-17T15:09:00.000-07:00

Á þessum tíma í fyrra var ég með hnút í maganum því ég var alveg að fara til Durham. Ég held meira að segja að ég hafi ekki enn verið búin að redda mér stað til að búa á. Allt var óráðið og ég hafði ekki hugmynd um hversu viðburðaríkt árið myndi verða.

10 ár...

2006-09-14T15:36:00.000-07:00

eru orð ekki óþörf?

teinar, krullur, blóm í hári og blúnduhanskar, hahahaha :)

ég hef ákveðið að koma út úr skápnum með fermingarmyndina kæru lesendur, fann hana ofan í kassa á heimili foreldra minna og langaði endilega að deila með ykkur :)

B - I - B - L - Í - A ...

2006-09-14T02:15:00.000-07:00

er bókin bókanna...

þeir sem hafa áhuga á að sjá mig á fjórum fótum á bakvið kassa með brúðu á hendinni, er bent á Borgarneskirkju klukkan 11 á sunnudaginn

veit ekki alveg hvað mér finnst um þetta...

spurning um að fá bara arnór í verkið? hver man ekki eftir þþþþidda þþþþnák sem mætti gjarnan í gleðina eftir miðnætti á föstudagskvöldum á akureyri hérna í denn :)

2006-09-11T10:30:00.000-07:00

Er ekki eitthvað neyðarlegt ef Magni í Á móti sól vinnur Rock Star bara því hver einasti íslendingur kýs hann 80 sinnum?
..ég hef aldrei séð þetta svo ég veit sossum ekki hvernig hann er að standa sig.. en er einhver einu sinni að spá í hvort hann er góður eða ekki?
á móti sól hefur aldrei verið neitt toppband hérna á íslandi og svo núna heldur enginn vatni yfir Magna og hann þykir allt í einu ótrúlega töff.. hvaaað..

er annað hægt en að elska hann...

2006-09-10T14:13:00.000-07:00

Heiðrún in the City - Le Film

2006-09-08T08:38:00.000-07:00

Þegar ég sat í sófanum í gærkvöldi og horfði á 'best of' úr áramótaskaupi undanfarinna 10 ára, fór ég að velta fyrir mér hvort ekki væri kominn tími á smá glamúr í lífið.. tími til að sýna sig og sjá aðra

Þess vegna hef ég ákveðið að eyða helginni í höfuðborginni. Skelli mér um borð í sæmund í kvöld, með hælaskóna undir hendinni og varalitinn í veskinu

Sjáumst!

My so called life

2006-09-07T15:05:00.000-07:00

Ég vakna eldsnemma, fer í vinnuna skömmu síðar, tala hátt og mikið og drekk óhóflega af kaffi, kem heim úr vinnunni, horfi á Simpson og fer svo að sofa
Allt markvert sem gerist, er innan veggja skólans og frekar ólekkert að skrifa um það á netinu..
Aldrei hefði mig samt grunað hvað kennarar þurfa að vinna mikið eftir skóla. ég vissi nátturlega að það væri einhver aukavinna við að undirbúa næsta dag, en eitthvað er ég seinlæs því ég er alltaf langt fram eftir kvöldi að búa til glærur og gera verkefni.. Ég neita samt að trúa því að líf mitt verði svona dull í allan vetur. Ég vona að með tíð og tíma fari ég að komast út um skóladyrnar um 5 leitið.. eða allavega fyrir kvöldmat
Jahh, annars er framtíðin döpur og kominn tími til að leita sér að góðum ketti og hornspangagleraugum

mæja og arnór, munið þið þegar við gengum til góðs hérna um árið? :) hahaha - við gengum aldeilis til góðs með derhúfur og allar græjur :-D

2006-09-01T15:25:00.000-07:00

Í dag gerðist ég kennslukona - ég var kaffiandfúl, í skóm sem heyrðist klong klong í hælunum, sagði ömurlegan brandara og vissi ekki svarið við spurningu nemanda.
Var samt ekki étin lifandi og held bara að ég ætli að mæta aftur á mánudaginn ..

fréttir og ekki fréttir

2006-08-14T14:50:00.000-07:00

ég er frekar ófrjó þessa dagana.. ætti eiginlega að gefa smá update. skemmtilegra væri ef ég gæti bara sett inn skemmtilegar myndir.. eins og skemmtilegu vinkonur mínar hafa verið að gera undanfarið.. ég bara hef engar myndir til að setja inn.. kíkið þess vegna bara inn á síðuna hjá kollu, mæju og anne til að sjá hvað það er gaman hjá mér.. :)

það er annars helst að frétta að ég er búin að taka ákvörðun fyrir næsta vetur. ég ætla að búa í borgarnesi. í lítilli sætri íbúð með hafnarfjallið í svefnherbergisglugganum. það verður skrýtið, en samt spennandi. ég ætla að setjast á skólabekk.. samt hinum meginn við borðið. það eru allir velkomnir í heimsókn, ég lofa að baka vöfflur og bjóða upp á kaffi úr lekkerum bolla. flyt samt ekki fyrr en í byrjun september svo fólk verður að reyna að hemja landsbyggðarþorstann þangað til.

Komin heim

2006-07-20T04:20:00.000-07:00

og ákvað að birta tvær góðar af okkur félögunum á Lanzarote :)

Það er skemmst frá því að segja..

2006-07-16T08:05:00.000-07:00

að frænkan er á heimleið.
nú er ég búin að vera tæpar 4 vikur á sólarströnd og ykkur að segja þá fer þetta alveg að verða gott.

ég er komin með nóg af sólinni.. ég er komin með nóg af Noruh Jones sem ómar hér um alla ganga allan daginn.. líka inni á klósettunum.. ég er samt ekki komin með nóg af hótelinu.. ég væri alveg til í að búa á hóteli.. held ég kunni ekki lengur að búa um rúmið mitt.. á eftir að sakna þess að finna ekki toblerone á koddanum mínum þegar ég fer að sofa.. spurning um að dobla mæju í djobbið.. ég hlakka til að koma til íslands.. hér er samt mikið af íslendingum.. 380 talsins á mínu hóteli.. þeir eru hressir.. þeir eru háværir.. þeir eru sólbrenndir.. þeir spila nínu og geira í botni á hótelsvölunum klukkan 2:30 eftir miðnætti.. en bara sumir auðvitað.. íslendingar í útlöndum eru samt spes fyrirbrigði.. ég nenni ekki að vakna kl 4 til þess að fara út á flugvöll.. samt alveg þess virði því mig er farið að langa heim..

hlakka til að sjá ykkur öll

2006-06-30T08:12:00.000-07:00

Hola

2006-06-25T05:28:00.000-07:00

Kaera fraendfolk
Hedan af Lanzarote er allt gott ad fretta. Eg hef nuna verid her i 4 daga og allt hefur gengid vel. Vedrid hefur verid agaett, reyndar svolitid skyjad en samt vel hlytt. Dagarnir lida hratt og fara teir ad mestu i gonguferdir, fegrunarblundi a solbekk, lestur og almenna leti. Naestu dagar og vikur verda liklega med svipudu snidi. Eins og sest a medfylgjandi mynd er eg strax ordin kaffibrun og harid hefur lyst tonokkud. Laet i mer heyra ef eitthvad markvert gerist.
Kaer kvedja,
Fraenka

Kaaaaaaaaaanary

2006-06-19T16:24:00.000-07:00

jæja, eftir stutt stopp á eyjunni köldu ætlar frænka að skella sér utan á ný.
að þessu sinni er það önnur eyja og heldur sólríkari sem verður fyrir valinu, kennd við Kanary.
ég hef tekið regnhlífar og gúmmístígvél upp úr englands töskunum og pakkað niður sólhatti og öðrum búnaði sem nauðsynlegur er í sólarlöndum.
þarna mun ég spóka mig í 4 vikur, ásamt öðrum sólþyrstum íslendingum og skilst mér að hálf þjóðin sé á leiðinni til Kanary um þetta leiti
verður þú þarna?

Mr. Skallagrímsson

2006-06-18T18:14:00.000-07:00

Ég fór að sjá Benedikt Erlingsson í kvöld

Hann segir frá og leikur Egilssögu með tilheyrandi frussi og hamagangi í Landnámssetri Íslands

Þetta Landnámssetur Íslands er staðsett í Borgarnesi

Ég er nú kannski dálítið hlutdræg.. en samt ekki, því ég á ekkert í honum Benedikt Erlingssyni, en mér finnst að það ættu allir að fara og sjá þetta

Þetta er fyndið, fróðlegt og skemmtilegt

Enginn nennir að hanga í Reykjavík og gera ekki neitt allt sumarið, því það er það sem við gerum allan veturinn

Maður er alltaf að plana að gera eitthvað öðruvísi og skemmtilegt á sumrin og listinn er langur; útilegur, grill, gönguferðir á Esjuna og allt það..

Af hverju ekki að taka rúnt í Borgarnes og skella sér á leiksýninguna Mr. Skallagrímsson :)

Það má líka alveg koma fyrr og stoppa lengur, skella sér í sund, fá sér ís á hyrnunni, rölta um skallagrímsgarð, skoða landnámssetrið almennilega, fá sér að borða á búðarkletti og fara SVO á sýninguna ... hehh

Þið ráðið sossum hvað þið gerið, en ég mæli eindregið með þessu fyrir alla og er semsagt ákaflega lukkuleg að sjá loksins fólk á götum Borgarnesbæjar

Sæli nú

2006-06-15T13:26:00.000-07:00

ég er komin heim - það er gaman :)

það var svo margt sem ég ætlaði að skrifa áður en ég kom heim og rétt eftir að ég var komin heim.. átti eiginlega eftir að gera upp árið mitt þarna úti EN það verður bara að bíða betri tíma.

ég nenni bara eiginlega ekki að blogga, því það er enginn annar að blogga og enginn að commenta og þetta er hálf dautt allt saman. mig langaði líka að setja inn myndir frá durham, brighton eða london en myndirnar mínar eru inni á fartölvunni minni og ég get ekki sett þær inn á netið.

mig langaði nú samt að láta vita af mér, ég verð heima þangað til á þriðjudaginn en þá fer ég til Lanzarote og verð þar í 4 vikur.. þaðan fer ég beint norður til frú helgu maríu að vinna á hótel laugum, þannig að ef þið eruð stödd á höfuðborgarsvæðinu, þá er ekki víst að þið berjið mig augum fyrr en í september.
nema nátturlega þið skellið ykkur í orlof norður í land eftir miðjan júlí.

ég lofa engum bloggfærslum í sumar, en auðvitað ef það gerist eitthvað merkilegt eða mér dettur eitthvað ótrúlega fyndið og skemmtilegt í hug - þá fáið þið vitanlega að heyra af því

:)

heim

2006-06-06T01:03:00.000-07:00

ég er að koma heim á föstudaginn

það þýðir að ég á bara 3 daga eftir hérna.. hef semsagt frekar takmarkaðan tíma til að gera allt sem ég á eftir að gera, sjá allt sem ég á eftir að sjá, hitta alla og segja bless, þrífa, pakka, ganga frá skólamálunum, taka myndir af öllu og öllum, fara á öll kaffihúsin sem mér finnst skemmtileg, alla veitingastaðina og alla skemmtistaðina..

á sunnudaginn þegar ég kom frá brighton fór ég í bíó og ut á tjúttið
gærdagurinn var ekki góður dagur.. tequila er ekki vinur minn..
ég náði samt að hitta 2 og segja bless og eyddi kvöldinu í sjónvarpsgláp í góðum félagsskap (big brother er ávanabindandi..)
í dag er ég að fara á ströndina og í kvöld að hitta fleiri og fara út á tjúttið
það eru allir dagar bókaðir og meira að segja föstudagsmorguninn líka

hvenær á ég að pakka og þrífa? spurning um að skilja þetta drasl bara eftir, hehh

en bottom line, ég er að koma heim á föstudaginn og mikið óskaplega hlakka ég mikið til að sjá ykkur :)

Brighton - Brighton - Brighton

2006-05-27T09:07:00.000-07:00

Já þeir eru hressir í Brighton!
Ég sló inn 'Brighton' í Google myndaleit og fékk lítið annað upp en litríkar myndir af litríku fólki..

í kvöld legg ég í hann til þess að eyða viku í þessari hýru borg með ástkærri móður og systur. ohh, hvað ég hlakka til! það verður æði að hangsa og rölta og gera allt og ekkert með þeim svona lengi :) ..ætli við eyðum ekki vikunni inni á hommabar í dulargervi dragdrottninga;)

Svo kíkjum við líklega í skemmtigarðinn inn á milli, kíkjum á búðirnar og röltum á ströndina ... ef það verður einhvern tímann ekki rigning það er að segja. EN alltaf gott að fara í holiday í góðum félagsskap, sama hvernig veðrið er:)

Nýjustu tölur

2006-05-26T06:15:00.000-07:00

Nýjustu tölur frá Durham eru 3.939 orð og um það bil 10 klst eftir af tímanum

Eru ekki allir æsispenntir

Calvin dududu Calvin dududu

2006-05-25T11:22:00.000-07:00

jaja, tad var gaman i newcastle.. eg er hins vegar farin ad svitna i lofunum og klukkan tifar ohuggulega hratt. 2000 ord komin, 4000 ord eftir... 1 heill dagur eftir

aaaaaaaaaaaaaaaaaaaaaaaaaaaaaaa

það var svo gaman í gær :)

2006-05-24T16:30:00.000-07:00

í staðinn fyrir að vera inni á úldnu bókasafni að gera úldna ritgerð um Calvin og altarissakramentið..

..ákvað ég nú bara að breggða mér af bæ og fara til Newcastle í góðra vina hópi

við vorum bara eitthvað að rölta um og njóta okkar í sólinni.. vorum smá menningarleg og fórum á safn, versluðum líka smá en vorum mest í því að sitja og sötra kaffi og tala og hlæja

þó maður lyfti sér nú upp af og til :)

Sjokkering!

2006-05-22T15:16:00.000-07:00

You Are Barney

You could have been an intellectual leader...

Instead, your whole life is an homage to beer

You will be remembered for: your beautiful singing voice and your burps

Your life philosophy: "There's nothing like beer to give you that inflated sense of self-esteem."

The Simpsons Personality Test

hahahahaha!! :)

Mig grunaði kannski að ég yrði Hómer Simpson, því mér hefur nú oft verið líkt við hann í gegn um tíðina..

en fyrr má nú rota en dauðrota! ég sem minntist ekki einu sinni í bjór í svörum mínum.. þetta hlýtur að vera eitthvað bilað

Taggart

2006-05-22T06:44:00.000-07:00

það dró nú aldeilis til tíðinda í Claypath House 65 í morgun.

um 10 leitið hringdi dyrasíminn... ég nennti ekki fram, hann hringir aftur og meðleigjendur mínir nenna greinilega ekki heldur svo ég drattast fram. Ég svara og er þá tilkynnt að þetta sé lögreglan og hvort hann megi koma og tala við mig eitt augnablik. ég renndi í huganum yfir undanfarnar vikur og reyndi að muna hvort ég hefði lent í einhverju vafasömu, og á þeim tíma sem lögreglumaðurinn var á leiðinni upp á 3. hæð til mín, var ég orðin alveg handviss um að ég væri sek.. þó ég gæti svosem ekki sett fingur á hvað ég hefði gert.

Hann kom upp í íbúð, í öllu sínu veldi, sagði að hann hefði nokkrar spurningar fyrir mig og hvort við gætum sest einhvers staðar niður. Ég bauð honum upp í eldhús, og eins og húsmóðir í breskri bíómynd bauð ég honum upp á bolla af tei. sem hann þáði, ég bjó til te með mjólk og sykri og settist nervus á móti honum við eldhúsborðið.

Fyrsta spurningin var sú spurning sem ég hef alltaf óttast mest að vera spurð og þegar ég horfi á glæpamyndir hugsa ég oft að ég hefði aldrei svarið við þessari, því ég er almennt frekar utan við mig. hvar varst þú á fimmtudaginn í síðustu viku, milli 3pm og 5pm. Ég fór að svitna, því ég veit ekki einu sinni hvaða dagur er í dag, man ekki hvað ég gerði í gær og hvað þá klukkan 3 á fimmtudaginn. ég sagði honum þó að ég hefði verið á bókasafninu, það er líklega tímasetning að vera á bókasafninu klukkan 3. Hann spurði mig svo hvort ég þekkti stelpu að nafni Kathrine Barnart. Ég sagði nei. Hann spurði mig hvort ég þekkti einhvern sem byggi í Gilesgate 124. Ég sagði nei. Hann spurði mig fleiri spurninga og svarið var alltaf nei, svo mig var farið að gruna að ég væri saklaus eftir allt saman. Ég var orðin meira æst en nervus í lokin og var virkilega farin að lifa mig inn í breska sakamálaþáttinn; í bresku eldhúsi með breskum regnblautum lögregluþjóni sem geymdi hattinn á eldhúsborðinu á meðan hann drakk te úr lekkerum bolla.. (þar var bara verst að ég var ekki í uppnámi í bleikri dragt.. það hefði verið toppurinn) Ég var farin að sjá fyrir mér að Kathrine Barnart hefði verið myrt á grimmilegan hjátt fyrir utan húsið hjá mér og morðinginn væri enn ófundinn. Eftir vitnaleiðslurnar spurði ég þó lögregluþjóninn hvort ég mætti spyrja hvað hefði komið fyrir (ég er orðin svo bresk og dönnuð) Þá sagði hann mér að aumingja Kathrine var á leiðinni heim úr skólanum og þurfti að fara gegn um þröngan göngustíg við hliðina á húsinu mínu til að komast heim til sín. Þar beið eftir henni gamall dóni sem sýndi henni á sér typpið og hljóp svo í burtu.

Þetta er Heiðrún, sem talar frá Durham

snuin aftur

2006-05-18T08:32:00.000-07:00

Eg er komin fra Danmorku og tad var otrulega gaaaman

Ferdin einkenndist af almennum slaepingi og miklum hlatraskollum eins og gjarnan tegar vid komum saman:)

eg gleymdi samt enska simkortinu minu tar.. eda tyndi tvi liklega, tvi ef tad er i herberginu hans arnors, ta finnst tad liklega aldrei aftur

eg er ekki enn buin ad fa mer nytt kort, tannig ad ef tid turfid ad na i mig, ta skulud tid hringja eda sms-a i islenska numerid mitt

eg er semsagt aftur flutt inn a bokasafnid her i Durham tvi tad voru 2 ritgerdir sem hofdu ekki skrifad sig sjalfar a medan eg var i orlofi. Tad tydir ad eg tarf ad skrifa lengd B.A ritgerdar a 10 dogum eeeen eg sef bara tegar eg verd gomul og nota sumarid i ad trappa mig nidur i kaffidrykkjunni

hafid tad gott lombin min og njotid ykkar i vorinu :)

Reva Shane

2006-05-14T13:44:00.000-07:00

This lovely looking lady has her last exam coming up tomorrow..

Good luck to the luxury sheep!

hugs and kisses from the ones you left behind in Denmark

UK - DK

2006-05-12T16:09:00.000-07:00

Það er nú stæll á Möggu, þó ekki sé hún jafn lillablá og rósótt og hún Elísabet.

ég ætla að skreppa á morgun og líta á hana, hún komst því miður ekki í afmælisveisluna hennar Elísabetar um daginn og því var ég beðin um að skreppa með kökusneið handa henni í Tuppervare boxi
Það ætla ég að gera

en ég ætla einnig að líta á kvartett sem ég þekki til í Kaupmannahöfn, sem samanstendur af 3 íslendingum og einum Dana

það er búið að vera blíðskaparveður í Durham en í dag og í gær er búið að rigna eldi og brennistein, með tilheyrandi þrumum og eldingum, svo ég ætla að fara í smá orlof þangað til vorið ákveður að koma aftur hingað til Englands

Gef kannski update af ferðum mínum á miðvikudaginn, en ekki fyrr

Bless á meðan

..bara svona í tilefni dagsins

2006-05-12T10:32:00.000-07:00

2006-05-11T09:34:00.000-07:00

akkurat nuna er eg inni i tessari kirkju ad laera..
tad er nefnilega bokasafn herna lika sem var gistisalur munkanna sem bjuggu her einu sinni

tad er svosem ekki merkilegt, nema tvi ad i dag eru trumur og eldingar og grenjandi rigning og dimmt og drungalegt og mer lidur eins og Drakula, sitjandi vid risa stort, 100 ara gamalt skrifbord, i halfdimmu herbergi med fullt af litlum lompum

langadi bara svona ad deila tessari tilfinningu med ykkur

a silver scott?

2006-05-10T07:18:00.000-07:00

jiminn, vill einhver segja mer hvernig silfurskottur lita ut og haga ser?
i herberginu minu hafa buid um sig skordyr, sem eru eins og litlir ormar en samt med lappir, ca 2 cm a lengd og lidast svona um golfid - alveg silfurlit

tegar eg lysti tessu fyrir Nezam vini minum, sagdi hann ad tetta vaeru dyr sem a fronsku kallast 'eyrnabitarar' (bein tyding fra fronsku yfir a ensku - bein tyding fra ensku yfir a islensku) Hann sagdi mer ad tessu dyr bitu og sygju svo blod og eg tyrfti ad eitra strax adur en tau fjoldugu sem meira!!

min spurning til ykkar: eru silfurskottur meinlausar?
eg var bara ad hugsa hvort eg aetti ad tykjast ad tetta vaeru silfurskottur (tetta eru ju silfurlit dyr) eda hvort eg aetti ad frika ut og eitra ... eda flytja

einhver sem hefur sed silfurskottu vinsamlegast commenta.. og helst segja ad tetta seu silfurskottur.. og helst ad segja ad taer seu meinlausar og fari bradlega ad sjalfu ser

djupsteikt

2006-05-08T07:43:00.000-07:00

ja eg hef lika eitt skemmtilegt ad segja..
for ut ad borda seint um kvold i gaer med godum vini. herna loka allir veitingastadir um 8 leitid, klukkan var 10 og tad eina sem vid turftum var saelkera maltid. Vid lobbudum borgina tvera og endilanga og spurdum hvern einn og einasta sem vid maettum hvort eitthvad vaeri opid.
Vid fundum ad lokum litinn breskan pub i litilli hlidargotu. Stadurinn lyktadi af fitu, reyk og svita en var nokkud rosottur og kruttlegur samt. Vid settumst inn og pontudum mat. Hann ostafyllta sveppi og meðþví, eg kjukling og meðþví. Tegar 70 ara gamla gengilbeinan kom med bleika varalitinn og tok nidur pantanir, benti hun okkur godlatlega a skilti fyrir ofan barinn sem syndi ad farsimar vaeru bannadir. Hun stod svo yfir okkur a medan vid slokktum a simunum okkar og settum ta aftur ofan i tosku. Tetta var enn fyndnara tvi barinn var fullur af fullm korlum sem toludu hver i kapp vid annan, svo ekki hefdi verid haegt ad heyra hver var i simanum og hver ekki.. allavega var bannad ad tala i simann og skiltid syndi apa ad taka utan af banana sem var i raun simi (greinilega auglysing fra 1994 tegar simar voru glaenyjir og morgum ekki vel vid ta)
enn skemmtilegra var tegar vid fengum matinn, var ekkert a disknum sem ekki var djupsteikt; hans sveppir voru vitanlega djupsteiktir, med djupsteiktu beikoni og fronskum kartoflum. A minum disk var heill djupsteiktur kjuklingur, djupsteiktur ananas, djupsteiktur banani og franskar.. to ad maltidin hafi verid hressandi og baetandi fyrir sal og likama, ta var ekkert notalegt ad fara ad sofa med tetta i belgnum

2006-05-08T07:32:00.000-07:00

online utvarpid hja blue note er bilad, eg verd ad hafa eitthvad ad hlusta a tegar eg er ad gera ritgerd a bokasafninu tvi annars bilast eg a ollu pikkinu.. eg sa tvi tann kost vaenstan ad hlusta a fis lett 96.7
en jiminn eg veit ekki hvort er skarra, snorri idol stjarna 20 sinnum a dag eda 300 pikkandi lyklabord

eg er ad verda eins og gomul kerling a tessu bloggi herna. Hvad het aftur tatturin sem madur hringdi inn a ras 2 og kvartadi yfir ollu mogulegu. Aumingja tid, eg er komin med minn eigin svoleidis tatt, online :-S

aaaaaaaaaa

2006-05-07T06:26:00.000-07:00

eg er radvillt ung stulka - tad er nice ad vera i haskola, eg er ekki tilbuin i ad verda fullordins!

tad er ekki mikid eftir af dvol minni her i englandi...
fyrri hluta sumars eydi eg erlendis og teim seinni uppi i sveit, langt fra manna byggdum. Svo kemur haust og ta er kominn timi til ad fullordnast og allt tarf ad vera komid a hreint; eg tarf ad vera i lekkerri vinnu fra 9 - 5, bua i lekkerri ibud, vera lekker, fara i raektina a hverjum degi, drekka graent te og vera i saumaklubb
eg er ekki tilbuin i tetta...

Good times

2006-05-04T04:23:00.000-07:00

I want this girl in Iceland, 2006!

styttist...

2006-05-01T07:27:00.000-07:00

einn fyrirlestur buinn

3 ritgerdir eftir

svo sumarfri

Flip flop

2006-04-27T10:28:00.000-07:00

...og eg segi "No Flip-Flops at the Library"

Samnemendur minir klaeddust stuttbuxum og flip flops mestan hluta haust annar en tok pasu rett yfir bla jolin. Nu er hins vegar komid sumar a teirra maelikvarda og aftur er farid ad glymja um gotur baejarins tetta sveitta klisturhljod tegar flip flopparnir skella i haelana a teim. Eg get sossum ekki bannad teim ad vera i tessu utandyra en tegar 50 manns labba framhja bordinu minu a bokasafninu, flip flop flip flop flip flop flip flop flip flop flip flop .... ta er tolinmaedi min ansi takmorkud

Eg vissi ekki ad eg aetti til svona mikla gremju i gard skogerdar, en eg hef komist ad tvi ad eg er virkilega a moti flip flops og finnst ad teir eigi bara heima a solarstrondum - ekki bokasofnum... og hana nu !

eeehh

2006-04-26T05:10:00.000-07:00

vitid tid eg verd bara alltaf svo meyr tegar kemur ad henni Dorrit. Mer finnst hun svo mikid krutt og eg fae alltaf kokk i halsinn tegar eg se hana i sjonvarpinu til daemis..
jajaja, raeraerae.. daman ordin ruglud - tryllist i spilum og graet yfir Dorrit a sokkaleistunum

Tad er annars helst ad fretta ad eg skiladi B.A ritgerdinni i gaer og mikid var tad god tilfinning! Eg er nu a leid upp i balfararstofu med sukkuladi og Elvis geisladisk handa vinum minum tar til ad takka teim fyrir alla hjalpina :)

tad er sol uti og lifid er gott bara

UNO UNO

2006-04-23T07:41:00.000-07:00

á heimilinu hefur gripið um sig mikið spilaæði og líður varla sú kvöldstund sem við sitjum ekki tryllt í eldhúsinu og spilum langt fram á nótt..
aðal spilin hingað til hafa verið trivial persuit og actionary en við þurftum eiginlega að hætta því vegna þess að breska útgáfan af Trivial er frekar strembin (mikið af spurningum um the royal family, krikket og svona..) Actionary gekk heldur eiginlega ekki upp vegna mikils ósættis sem greip um sig vegna erfiðra orða og lélegra leikhæfileika..
nýjasta viðbótin er samt held ég enn hættulegri - UNO extreme
Þegar ég átti sumarbústað þegar ég var lítið var UNO kallað gleðispilið og foreldrarnir vissu alltaf á hverju var von þegar UNO stokkurinn var dreginn fram. Eftir ca 10 mínútur var allt komið í háaloft og allir farnir að rífast. Þetta var gamla útgáfan af UNO og ég var ca 8 ára. Þessi nýja útgáfa er miklu svínslegri og asnalegri og ég sver að þetta helvítis spil kallar enn þann dag í dag fram það versta í mér. Ég var ekkert svo tapsár í Actionary en ég sver að í gær var ég tryllt!! Mér er skítsama þó ég hafi tapað og verið með 800 stig á meðan hinir voru með 100. Ég ætla að spila aftur í kvöld.. alveg þangað til ég vinn!

þriðjudagurinn

2006-04-23T06:49:00.000-07:00

..verður uppáhalds dagurinn minn því þá skila ég B.A ritgerðinni minni
og aldrei ætla ég að líta í það rit aftur - ég get ekki með nokkru móti lesið hana yfir einu sinni enn..
samt ætla ég að lesa hana yfir einu sinni enn

Afmælisbarn dagsins

2006-04-21T10:34:00.000-07:00

þessi mynd var reyndar ekki tekin í dag en sæt er hún engu að síður. ég sver að hún lítur ekki út fyrir að vera deginum eldri en sextug konan.. svona er það víst að vera drottning.

mér finnst samt skrýtið að það var ekki einu sinni frí í dag! ef ég væri drottning þá myndi ég gefa öllum frí á afmælinu mínu.. að minnsta kosti ef það væri 80 ára afmælið!

pirrrr

2006-04-20T12:32:00.000-07:00

ég sleit heyrnatólin á i-podnum mínum í morgun og ég er brjáluð! var að hlusta á prince og þrífa klósett á sama tíma, flækti hnéð í snúrunni og kippti þeim úr. ég meiddi mig ógeðslega í eyrunum og sleit líka heyrnatólin þannig að hafði allar ástæður til að brjálast!
vildi bara deila þessu með ykkur því ég hef ekkert annað að segja
..og já líka - hvaða hálfviti startaði því trendi að hafa teppi á klósettunum á breskum pöbbum??

Atburðir liðinna vikna ...

2006-04-17T03:28:00.000-07:00

fyrst komu þær..

við fórum til London og ég hitti hann...

svo kom hún..

við fórum líka til London..

og tókum hann með

Gleðilega Páska!!

2006-04-16T06:30:00.000-07:00

Ég hef lítið breyst, klukkan er rétt hádegi og ég er núþegar búin með páskaeggið mitt sem var númer 6.. Spurning um að vera bara uppí í dag..